Ruka hadi kwenye maudhui makuu

Kenya yaweka hai matumaini ya kutinga robo fainali

WENYEJI, Kenya ‘Harambee Stars’ wameweka hai matumaini ya kwenda Robo Fainali ya michuano ya Ubingwa wa Mataifa ya Afrika (CHAN) baada ya ushindi wa bao 1-0 dhidi ya Morocco ‘Simba wa Atlasi’ katika mchezo wa Kundi A leo Uwanja wa Moi International Sports Centre, Nairobi.

Pongezi kwa mfungaji wa bao hilo pekee, mshambuliaji wa Tusker FC, Ryan Wesley Ogam dakika ya 42 akimtungua kipa wa Raja Athletic, maarufu kama Raja Casablanca.

Lakini haukuwa ushindi mwepesi kwa wenyeji, kwani walilazimika kucheza pungufu kipindi chote cha pili baada ya kiungo wake wa ulinzi, Chrispine Erambo wa Tusker pia kutolewa kwa kadi nyekundu dakika ya 45’+4.

Mchezo mwingine wa Kundi A leo Angola imeibuka na ushindi wa mabao 2-1 dhidi ya Zambia Uwanja wa Taifa wa Nyayo hapo hapo Nairobi.

Mabao yote ya Palancas Negras yamefungwa na mshambuliaji wa Interclube, João Chingando Manha ‘Caporal’ dakika ya 79 na 86, wakati bao pekee la Chipolopolo limefungwa na beki wa Kabwe Warriors, Dominic Chanda dakika ya 73.

Baada ya mechi za leo, Kenya inaendelea kuongoza Kundi A kwa pointi zake saba, ikifuatiwa na Angola pointi nne kufuatia timu zote kucheza mechi tatu, wakati Morocco na pointi tatu sawa na Jamhuri ya Kidemokrasia ya Kongo (DRC) baada ya wote kucheza mechi mbili sawa na Zambia inayoshika kufuatia kufungwa mechi zote mbili za awali.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...

Mabululu ni wa Simba SC

Simba wameweka donge nono kunasa saini ya mshambuliaji Agostinho Cristovan Paciencio Mabululu anayekipiga Al Tripoli ya Libya Ili ajiunge na Wekundu hao wa Msimhazi. Simba wamefanya mazungumzo ya moja kwa moja na wakala wa Mabululu na mchezaji mwenyewe na wako tayari kulipa kiasi cha juu zaidi kunasa saini ya mshambuliaji huyo hatari zaidi Simba wanahitaji kumalizana na mshambuliaji huyo badala ya kumaliza fainali ya kombe la Shirikisho, tayari Crecentius Magori yuko nyuma ya mpango huo kuhakikisha Simba ijayo inatisha. Mbali na Mabululu, Simba pia inahitaji Saini ya kiungo mshambuliaji wa Azam FC Feisal Salum "Feitoto" ambaye pia amewahi kuichezea Yanga SC