Ruka hadi kwenye maudhui makuu

Drogba naye awafuata akina Henry, Gerrald Marekani

Mchezaji wa zamani wa Chelsea, Didier Drogba amekamilisha usajili wake kwenye klabu ya Ligi Kuu ya Marekani (MLS), Montreal Impact ya Canada.

Mchezaji huyo mwenye umri wa miaka 37 ambaye alikuwa nahodha wa Ivory Coast ametua Montreal kama mchezaji huru baada ya kumaliza maisha yake katika klabu ya Chelsea alikorejea akitokea China alikocheza kwa msimu mmoja. Aliichezea Chelsea kwa mafanikio na kufunga mabao 164 kwa misimu tisa.

Awali, Drogba alivumishwa kuwa angetua Inter Milan na klabu nyingine la MLS ,Chicago Fire ambayo zilikuwa zikimtaka.

Hata hivyo, Drogba aliichagua Montreal Impact ambayo amesaini mkataba wa kuichezea msimu ujao.


Chicago Fire, ilikuwa ikisaka saini yake kwa miezi tangu amalize mkataba wake wa kuichezea Chelsea ilikaribia kumnasa, lakini akaponyoka dakika za mwisho.

Dogba ameichagua Montreal, ambayo ni sehemu ya Canada, ambayo wakazi wake wanazungumza Kifaransa, lugha ambayo anaielewa vizuri, ambako atakuwa akilipwa Dola 250,000 kwa wiki kulingana na vyanzo mbalimbali.

Rais wa Montreal Impact, Joey Saputo aliuambia mtandao wa klabu hiyo: “Ni heshima kwa kila mmoja wetu kumpata mtu kama Didier Drogba kwenye klabu yetu.

“Kutokana na mazungumzo baina yetu, ninaamini amefurahia maisha hapa Montreal ambako atacheza soka na kuishi. Ni siku muhimu katika historia ya klabu yetu, atakuwa faida kwa kila hali.”

Bosi wa Chicago Fire, Frank Yallop alieleza: “Ningependa kuwa na Drogba, lakini amechangua Montreal, hakuna kitu tunachoweza kufanya. Montreal ni eneo ambako wanazungumza Kifaransa, yeye na familia yake wataishi vizuri.”

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma