Ruka hadi kwenye maudhui makuu

SIMBA YAKWAA KISIKI KWA OKWI TFF

Huku ikiwa tayari imewasilisha madai ya Dola 500,000 za Marekani, uongozi wa klabu ya Yanga jana uliwasilisha pingamizi rasmi dhidi ya mshambuliaji Emmanuel Okwi, ambaye Simba ilitangaza kumsajili.

Katika malalamiko ya awali, Yanga pia imeomba Simba ifungiwe kwa kukiuka taratibu huku pia mshambuliaji huyo wa timu ya Taifa ya Uganda (Uganda Cranes) afungiwe kucheza soka.

Habari ambazo zimepatikana jijini Dar es Salaam zinaeleza kuwa Yanga iliwasilisha pingamizi hilo katika Shirikisho la Soka Tanzania (TFF) ikieleza kwamba Okwi bado ni mchezaji wake halali.


Taarifa zaidi zinaeleza kuwa Simba ndiyo klabu iliyowekewa pingamizi nyingi zaidi ukilinganisha na klabu nyingine zinazoshiriki Ligi Kuu ya Tanzania Bara itakayofanyika kuanzia Septemba 20 mwaka huu.

Mbali na Okwi, baadhi ya nyota wengine waliowekewa pingamizi wa Simba ni pamoja na Abdi Banda ambaye ametoka Coastal Union ya Tanga na Shafii Hassan wa Zimamoto ya Unguja, Zanzibar.

"Jumamosi ndiyo majina ya wachezaji waliopitishwa kucheza yatabandikwa rasmi," alisema kiongozi mmoja wa TFF ambaye hakutaka jina lake litajwe.

Katibu Mkuu wa TFF, Selestine Mwesigwa, jana hakuweza kupatikana kueleza ni wachezaji wangapi wamewekewa pingamizi na klabu zao za zamani.

Wachezaji ambao hawatapitishwa kwenye mchakato huo wa usajili, hawatazitumikia klabu zao katika msimu mpya wa ligi mpaka pale taratibu za usajili wao zitakapokamilika.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma

Mabululu ni wa Simba SC

Simba wameweka donge nono kunasa saini ya mshambuliaji Agostinho Cristovan Paciencio Mabululu anayekipiga Al Tripoli ya Libya Ili ajiunge na Wekundu hao wa Msimhazi. Simba wamefanya mazungumzo ya moja kwa moja na wakala wa Mabululu na mchezaji mwenyewe na wako tayari kulipa kiasi cha juu zaidi kunasa saini ya mshambuliaji huyo hatari zaidi Simba wanahitaji kumalizana na mshambuliaji huyo badala ya kumaliza fainali ya kombe la Shirikisho, tayari Crecentius Magori yuko nyuma ya mpango huo kuhakikisha Simba ijayo inatisha. Mbali na Mabululu, Simba pia inahitaji Saini ya kiungo mshambuliaji wa Azam FC Feisal Salum "Feitoto" ambaye pia amewahi kuichezea Yanga SC
Endelea kusoma