KOCHA mkuu wa timu ya taifa, Taifa Stars Mholanzi Mart Nooij na Mbrazil Marcio Maximo anayeinoa Yanga wameingia vitani kila mmoja akitaka kuona taifa lake linaibuka mbabe wa soka duniani, Brazil na Uholanzi zipo katika kombe la dunia linalofanyika nchini Brazil.Huku timu hizo zote mbili zikifanikiwa kuingia nusu fainali, wakati kesho Brazil ikicheza na Ujerumani, Uholanzi itakuwa na shughuri pevu itakaposhuka uwanjani kukabiliana vikali na Argentina siku inayofuata yaani Jumatano.
Maximo raia wa Brazil akiwahamasisha mashabiki wa Yanga kuishangilia Brazil, Nooij naye amekuwa akiwahamasisha mashabiki wa Tanzania kuipenda Uholanzi, makocha hao sasa wanaingia katika vita kubwa ambapo mshindi ni yule ambaye taifa lake litafanya kweli na kuchukua kombe hilo lililoachwa na watetezi Hispania ambao waliondolewa katika hatua za mwanzo.
Maximo haivi chungu kimoja na Nooij kwa sababu ya utaifaHaijulikani nani ataibuka mbabe katika michuano hiyo mikubwa kuliko yote ulimwenguni lakini kila timu imepewa nafasi ya kushinda, Brazil kikosi chake hakionyeshi soka safi kiasi kwamba kupewa nafasi finyu kuifunga Ujerumani lakini haitabriki kutokana na kushinda mechi zake ngumu.
BNrazil iliifunga Colombia timu ambayo inacheza soka safi na la kupendeza, Uholanzi nayo imeonyesha umahiri wa hali ya juu kiasi kwamba mashabiki wa soka wanaipa nafasi kubwa kubeba ndoo huku Argentina ikipewa nafasi finyu mbele ya Wadachi hao wanaouungwa mkono na kocha wa Stars ambaye ni Mholanzi