PELLEGRINI SASA AIGEUKIA ARSENAL.

Manuel Pellegrini wa Manchester City amekiri kwamba hatua yake ya kuweka freshi wachezaji wake kwa ajili ya mechi ya Ligi Kuu ya Uingereza dhidi ya viongozi Arsenal Jumamosi ilisaidia kwenye ushindi wao wa kushangaza wa 3-2 wakiwa Bayern Munich.

Usiku huo wa kihistoria kwa klabu hiyo, City walipambana kutoka mabao mawili chini na kufikisha kikomo mkimbio wa ushindi wa mechi 10 mfululizo za Ligi ya Klabu Bingwa Ulaya wa mabingwa hao huku kocha wa Bayern Pep Guardiola akikabidhiwa kichapo chake cha kwanza katika dimba kuu akiwa na timu hiyo ya Ujerumani.

Bayern pia walishindwa mara ya kwanza nyumbani – baada ya kushinda mara 18 Munich – tangu washindwe na Arsenal 2-0 wakiwa nyumbani mikononi mwa Arsenal wakati wa awamu ya muondoano ya msimu uliopita katika Ligi ya Klabu Bingwa Ulaya mwezi Machi.


Huku timu zote mbili zikiwa tayari zimefuzu kwa awamu ya muondoano, City walilipiza kichapo cha 3-1 mwezi Oktoba walichokabidhiwa na Bayern uwanjani Etihad , lakini bado walimaliza wa pili nyuma ya Wajerumani hao katika Kundi D, timu zote mbili zikiwa na alama 15.

Winga wa City James Milner alikamilisha kujikwamua kwao kwa bao la dakika ya 62, ingawa ushindi wa 4-2 ungepelekea vijana hao wa Pellegrini kusonga wakiwa washindi wa Kundi D.

Pellegrini aliingiza straika wa Uhispania Alvaro Negredo na kuondoa David Silva, aliyerudi kutoka kwa jeraha la misuli ya chini ya mguu, kucheza dakika 20 za mwisho, lakini Mchile huyo alikiri kwamba alikuwa akifikiria kuhusu Gunners sawa na alivyokuwa akifikiria kuhusu bao la nne.

"Ilikuwa ni muhimu kwetu kupata bao la nne, lakini ingekuwa ni kuhatarisha zaidi kuendelea kuchezesha David Silva," alisema kocha huyo wa City.

“Ilikuwa ni muhimu kwetu kuongoza kundi, lakini tuna mechi kali sana Jumamosi na hilo halikuwa jambo la muhimu zaidi.”

Jambo la kushangaza ni kwamba, City walifanikisha ushindi huo wao muhimu Ulaya hata baada ya mafowadi nambari wani Sergio Aguero na Negredo, pamoja na nahodha Vincent Kompany kuanza wakiwa kwenye benchi.

“Ulikuwa ni ushindi muhimu kwa klabu, sio tu kwangu pekee,” akasema Pellegrini ambaye awamu alisema kwenye televisheni kwamba hakuwa anajua kwamba ushindi wa 4-2 ungepelekea timu yake kumaliza ikiwa ya kwanza kwenye kundi.

“Ujumbe wa kwanza kwa kikosi ni kwamba wanaweza kushinda bila akina Kompany, Aguero na Negredo.”