Ruka hadi kwenye maudhui makuu

WANYAMA KUTUA LIGI KUU YA ENGLAND, KLABU ZAZIDI KUMUWANIA

Wanted man: Celtic's Victor Wanywama (centre) is a target for several Premier League clubsSAFARI ya kiungo Mkenya Victor Wanyama kuhamia England inazidi kunukia, kufuatia klabu ya Cardiff City kutoa ofa ya Pauni Milioni 10 kwa Celtic kutaka kumnunua kiungo huyo, ambaye anatakiwa pia na Southampton.

Wanyama alisema safari yake kwenda Southampton imekufa, labda klabu hiyo ikubaliane na yeye na wakala wake juu ya mambo fulani fulani.
Southampton ilitoa ofa ya Pauni Milioni 12 iliyokubaliwa na Celtic, lakini Cardiff nayo imetoa ofa yake kwa ajili ya mchezaji huyo mwenye umri wa miaka 21 na watampa mshahara atakaoutaka. Timu hiyo ya Malky Mackay sasa ina matumaini ya kuinasa saini ya nyota huyo wa Harambee Stars.

Wanyama alisema: "Kocha wangu Neil Lennon ameniambia kuhusu ofa ya Southampton, lakini wakati mambo yameenda vizuri kwa Celtic, vipengele havikuwa sahihi kwa upande wangu binafsi na wakala wangu. Nafungua milango ya ofa, lakini niko poa na muhimu Celtic wanafurahi pia.
"Mimi na wakala wangu tumekuwa pamoja na kwa muda mrefu na tupo kama familia. Tuna uhusiano mzuri sana. Amekuwa akinisaidia tangu nikiwa kijana mdogo na tunaaminiana mno baina yetu. Nafahamu atanisaidia mimi kuchukua uamuzi sahihi katika wiki chache zijazo.
Celtic ilimnunua Wanyama kwa Pauni 900,000 kutoka Germinal Beerschot ya Ubelgiji miaka miwili iliyopita na Mkenya huyo amebakiza miaka miwili katika Mkataba wake.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Ngao ya Jamii sasa ni Simba na Yanga

Shirikisho la mpira wa miguu Tanzania TFF limebadilisha kanuni za mashindano za Ngao ya Jamii kutoka timu nne na sasa utaratibu utakuwa kama zamani. Bingwa wa Ligi Kuu bara atacheza na mshindi wa kombe la CRDB Cup "CRDB Federation Cup, na endapo kama bingwa wa ligi na CRDB atakuwa ni mmoja basi mshindi wa pili kwenye Ligi Kuu ya NBC atacheza mchezo wa ufunguzi wa ligi yaani Ngao ya Jamii.  Hivyo ni rasmi ufunguzi wa wa ligi kuu mchezo  wa "Ngao ya Jamii msimu huu 2025-2026 ni Yanga na Simba watakutana.
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma