Wasomaji wengi walinipigia simu wakinuunga mkono na kukubaliana na niliyoyasema, Wiki hii nawapa makala nyingine hususani kwa wachezaji wetu wa Kitanzania ambao wamekuwa wakisifika mbele ya mashabiki.
Kpoteza mwelekeo kwa timu yetu ya taifa, Taifa Stars na kupelekea kutolewa kwenye kinyang'anyiro cha kufuzu fainali za kombe la dunia ambazo zitafanyika mwakani nchini Brazil.
Stars iliondoshwa na Ivory Coast baada ya kufungwa kwenye uwanja wake wa nyumbani mabao 4-2, Matumaini kibao yalikuwepo kabla ya mchezo huo huku Watanzania tukijinasibu kuibuka na ushindi dhidi ya tembo hao wa Ivory Coast.
Kwa utashi wangu mapema kabisa kabla timu hizo hazijashuka uwanjani niliandika kupitia ukurasa huu kuwa Stars haitaweza kwenda Brazil na ni ndoto kubwa, Niliweka sababu kadhaa kuhusu kushindwa kwetu.
Na kweli matokeo yalitokea hivyo hivyo na kujikuta tunashindwa kufuzu kwenda Brazil huku tukiendelea kubaki kuwa watazamaji, Kikubwa kilichopelekea timu yetu kushindwa kwenda Brazil ni uwezo wetu mdogo hasa kwa wachezaji mpaka wasimaizi wakubwa wa mpira wa miguu nchini TFF na serikali kwa ujumla.
Mtanzania kila unayemuona ni kocha, Mchambuzi, Na hajulikani nani mchezaji au kiongozi huku kila mmoja ni bingwa wa kushusha visingizio kwa mwenzake, Lakini ukweli wa yote bado sana Watanzania kufikia maendeleo yanayotakiwa.
Tatizo la Watanzania tunapenda sana kushirikisha siasa kwenye soka au michezo mingineyo, Hata tasnia ya urembo imeingiliwa na siasa na ndio maana Tanzania inashindwa kupata mafanikio katika nyanja za kimataifa.
Mchezo wa soka umeingiliwa tena sana na umegeuzwa kichaka cha wanasiasa, Tazama michuano ya klabu bingwa Afrika mashariki na kati inaendelea vema nchini Sudan katika mji wa Darfur ambapo siasa za Watanzania zimeziponza timu zote za Simba na Yanga ambazo zilikuwa wawakilishi pekee.
Tuachane ni hilo na sasa tuingie kwenye mada husika, Wachezaji wa TAanzania nao ni tatizo tena kubwa kwa maendeleo ya soka la nchi hii, Wachezaji wetu hasa wale waliopo kwenye timu ya taifa wanashindwa kumuelewa kocha wao Kim Poulsen na wanachokifanya wengi hamjakielewa.
Kikosi cha timu ya taifa kilichoundwa na mchanganyiko wa wachezaji kutoka vilabu kadhaa hapa nchini hawachezi kitimu na kuweza kuleta mafanikio, Lakini Watanzania bado wanajidanganya kuwa Stars ilicheza vizuri tulipocheza na Ivory Coast na tatizo lilikuwa moja tu yaani kukosa bahati.
Wenzetu Ivory Coast walizitumia nafasi zao vizuri lakini sisi tulishindwa kuzitumia nafasi vizuri na kupelekea kipigo hicho, Wngine wanajidanganya kuwa tulikosa uzoefu huku wenzetu walitumia uzoefu wao wa kucheza mechi nyingi za kimataifa pamoja na kujaza wachezaji wengi wanaocheza soka la kulipwa barani Ulaya.
Haya yote mimi sikubaliana nayo, Tatizo la wachezaji wa Tanzania si muda mfupi ila ni la muda mrefu huenda kabla hajafika Marcio Maximo ambaye ndiye aliyekuja kulibadili soka la nchi hii.
Kim Poulsen amekuja kuendeleza ya Maximo na si kuleta soka jipya kama watu wanavyojidanganya wakati tulipotoka kucheza na Morocco pamoja na Ivory Coast, Wachezaji wa Tanzania wamezoea kucheza na jukwaa.
Na imekuwa kawaida yao kwa kipindi kirefu huku akili za mashabiki wa Tanzania zikiwa nyuma yao, Mpira hauchezwi kwa kufurahisha jukwaa kama ilivyo kwa wachezaji wa Tanzania na ndio maana tulikubali haraka kipigo cha Ivory Coast.
Kama wachezaji wetu wakicheza kwa lengo la kushindana na Ivory Coast huku wakiacha ule mchezo wao wa kutaka washangiliwe jukwaani na kuweka mikakati ya kutafuta magoli nina imani ushindi ungepatikana, Tanzania tunao wachezaji wazuri wanaoonyesha soka maridhawa lakini uwezo wao ni jukwaa tu na sivinginevyo.
Hakuna mikakati iliyo makini kuhakikisha tunapata ushindi, Kwa mfano sikuona umuhimu wa Mwinyi Kazimoto, Ni mchezaji mzuri lakini anacheza na jukwaa, Hakuna la maana alilokuwa akilifanya uwanjani na ndio maana hata 'maproo' wa Ivory Coast hawakuridhishwa naye.
Salum Abubakar 'Sureboy' ambaye alitangazwa kuwa mchezaji bora anayechipukia na chama cha wachezaji Sputanza, Kiwango chake ni kizuri lakini anacheza na jukwaa, Na kama Kim Poulsen ataendelea kuwang' ang' ania wachezaji wa namna hii basi Stars haitafika kokote.
Wachezaji wapo wengi tena wanacheza soka la kuvutia kuliko hata hao waliopo Stars tatizo lililopo ni kung'ang'ania damu ile ile, Hawataki kubadilika kila kukicha ni walewale na ndio maana nafasi yetu kimataifa inabaki pale pale.
Nikiwa na jamaa yangu mmoja anitwaye Mohd Nteze yeye aliwahi kunisimulia juu ya thamani ya timu yetu ya taifa, Taifa Stars kuwa miaka nenda rudi nafasi yake katika mashindano yoyote ni ya tatu na ikijitahidi imefungwa kwa taabu.
Maneno ya rafiki yangu yule nimeona yana ukweli ndani yake na kuanzia sasa nimekubaliana naye moja kwa moja, Nafasi ya Tanzania ni ya tatu na hilo limejidhihirisha, Wachezaji wa Stars wanaona ufahari kushangiliwa jukwaani kwa kandanda lao zuri pasipo kutafuta magoli.
Wapo wanaojituma na wanastahili kucheza Stars lakini hao niliowataja ilistahili kubadilika, Waache kucheza na jukwaa na waangalie kazi yao iliyowatuma, Tnajua mpira lazima upate sapota kutoka kwa mashabiki lakini soka lao linaishia kupiga chenga nyingi na kupiga darizi muda wote huku wakisahau muda unakwenda